Abril 29–Mayo 5
SALMO 34-35
Awit 10 ug Pag-ampo | Introduksiyon (1 min.)
1. ‘Dayega si Jehova sa Tanang Panahon’
(10 min.)
Si David nagdayeg kang Jehova bisan pag nakaeksperyensiya siyag mga pagsulay (Sal 34:1; w07 3/1 22 ¶11)
Gipasigarbo ni David si Jehova, dili ang iyang kaugalingon (Sal 34:2-4; w07 3/1 22 ¶13)
Ang mga ekspresyon sa pagdayeg ni David nakapalig-on sa iyang mga kauban (Sal 34:5; w07 3/1 23 ¶15)
Human mibiya si David kang Abimelek, 400 ka lalaki nga naay reklamo sa pagmando ni Haring Saul ang miuban niya sa kamingawan. (1Sa 22:1, 2) Posibleng naa sa hunahuna ni David ang maong mga lalaki dihang iyang gisulat kini nga salmo.—Sal 34, superskripsiyon.
PANGUTAN-A ANG KAUGALINGON, ‘Unsaon nako pagdayeg si Jehova dihang makig-estorya ko sa uban sa sunod nga tigom?’
2. Espirituwal nga mga Bahandi
(10 min.)
-
Sal 35:19, footnote—Unsay gipasabot sa hangyo ni David nga dili tugotang “mangidhat” kadtong nagdumot kaniya? (w06 5/15 20 ¶2)
-
Unsang espirituwal nga mga bahandi ang imong nakat-onan sa pagbasa sa Bibliya niining semanaha?
3. Pagbasa sa Bibliya
(4 min.) Sal 34:1-22 (th tun-anan 5)
4. Dihang Magsugod ug Panag-estorya
(2 min.) IMPORMAL NGA PAGSANGYAW. Mahuman ang panag-estorya nga wala ka makasangyaw. (lmd leksiyon 1 punto 4)
5. Dihang Magbalikduaw
(4 min.) IMPORMAL NGA PAGSANGYAW. (lmd leksiyon 2 punto 4)
6. Pagpatin-aw sa Imong Tinuohan
(5 min.) Pasundayag. ijwfq 59—Tema: Giunsa Pagkahibalo sa mga Saksi ni Jehova nga ang usa ka Selebrasyon Dalawaton sa Diyos? (th tun-anan 17)
Awit 59
7. Tulo ka Paagi nga Madayeg si Jehova Diha sa Tigom
(15 min.) Pakighisgot.
Daghan tag kahigayonan nga madayeg si Jehova diha sa atong mga tigom. Niay tulo ka paagi.
Panag-estorya: Hisgoti ang pagkamaayo ni Jehova dihang makig-estorya sa uban. (Sal 145:1, 7) Naa ba kay nadunggan o nabasa nga punto nga nakatabang nimo? Naa ba kay nindot nga eksperyensiya sa pagsangyaw? Naa bay gisulti o gibuhat ang uban nga nakadasig nimo? Naa ba kay nakita sa kalalangan nga ganahan kaayo ka? Kining tanan maoy regalo gikan kang Jehova. (San 1:17) Sayog abot aron naa kay panahon nga makig-estorya sa uban.
Pagkomento: Paningkamoti nga makahatag ug bisag usa lang ka komento kada tigom. (Sal 26:12) Puwede kang mohatag ug direktang tubag sa pangutana. Puwede pod nimong komentohan ang ubang punto, teksto, artwork, o kon unsaon ni pagpadapat. Tingali daghan kag kadungan nga mopataas sa ilang kamot, maong pag-andam ug pipila ka komento. Daghan ang ‘makatanyag sa Diyos ug halad sa pagdayeg’ kon ang atong mga komento 30 segundos ra o ubos pa.—Heb 13:15.
Pagkanta: Kantaha ang mga Kingdom song nga may kadasig. (Sal 147:1) Tingali dili ka makakomento kada tigom, ilabina kon naa ka sa dakong kongregasyon, pero makaapil ka kanunay sa pagkanta. Bisan pag gibati nimo nga dili ka nindot ug tingog, kon ihatag nimo ang imong kinamaayohan, seguradong malipay si Jehova! (2Co 8:12) Puwede kang mangandam pinaagi sa pagpraktis ug kanta diha sa inyong balay.
I-play ang VIDEO nga Kasaysayan ug Pag-uswag sa Atong Organisasyon—Ang Gasa nga Musika, Bahin 1. Dayon pangutan-a ang mamiminaw:
Sa sayong bahin sa atong modernong organisasyon, giunsa nato pagpakita nga importante ang pagkanta sa pagdayeg kang Jehova?
8. Pagtuon sa Kongregasyon sa Bibliya
(30 min.) bt kap. 9 ¶1-7, intro sa seksiyon 3, ug kahon sa p. 70
