Ang kadasig makatakod. Makakuha ni sa atensiyon sa atong kaestorya. Nagpakita pod ni nga atong gipabilhan ang atong mensahe. Bisag unsa pay atong kagikan o personalidad, maugmad nato ang kadasig. (Rom 12:11) Sa unsang paagi?

Una, hunahunaa kon unsa ka importante ang imong mensahe. Pribilehiyo nimo nga ‘ipahayag ang maayong balita bahin sa maayong mga butang!’ (Rom 10:15) Ikaduha, palandonga ang positibong epekto sa maayong balita diha sa imong kaestorya. Kinahanglan gyod silang makadungog sa imong isulti. (Rom 10:13, 14) Dayon, sulti nga may kadasig, nga mogamit ug natural nga mga kompas ug sinserong mga ekspresyon sa nawong.

TAN-AWA ANG VIDEO NGA BATIA ANG KALIPAY SA PAGHIMOG TINUN-AN—PAUSWAGA ANG IMONG MGA KAHANAS—PANUDLO NGA MADASIGON, DAYON ISUKNA ANG MOSUNOD NGA MGA PANGUTANA:

• Nganong nawad-ag kadasig si Neeta sa iyang Bible study nga si Jade?

• Unsay nakatabang nga mabalik ang kadasig ni Neeta?

• Nganong angay tang magpokus sa positibong mga hiyas sa atong mamiminaw?

• Unsay epekto sa atong kadasig diha sa atong mga Bible study ug sa uban?