Ang disiplina pangunang nagtumong sa paghatag ug instruksiyon ug pag-edukar, pero nagpasabot sab ni sa pagtul-id ug pagbadlong. Ginadisiplina ta ni Jehova aron makasimba ta kaniya sa hustong paagi. (Rom 12:1; Heb 12:10, 11) Usahay, sakit ang disiplina, pero moresulta nig pagkamatarong ug mga panalangin. (Pr 10:7) Unsay angayng hinumdoman niadtong mohatag ug disiplina ug sa modawat niini?

Sa mohatag. Ang mga ansiyano, ginikanan, ug ang uban naningkamot gyod sa paghatag ug disiplina sa buotan ug mahigugmaong paagi, sama kang Jehova. (Jer 46:28) Bisan ang bug-at nga disiplina angayng ihatag sumala sa gikinahanglan ug tungod sa gugma.—Tit 1:13.

Sa modawat. Bisag unsa pang klase sa disiplina ang ihatag, kinahanglang dawaton nato kini ug ipadapat dayon. (Pr 3:11, 12) Kay dili man ta hingpit, nagkinahanglan tag disiplina, ug lainlain ang paagi sa pagdisiplina. Mahimong disiplinahon ta pinaagi sa atong mabasa sa Bibliya o sa atong madungog diha sa tigom. Usahay ang uban kinahanglang disiplinahon pinaagi sa hudisyal nga komite. Ang pagsunod sa disiplina moresultag maayong kinabuhi karon ug sa umaabot.—Pr 10:17.

TAN-AWA ANG VIDEO NGA “ANG GIHIGUGMA NI JEHOVA IYANG GINADISIPLINA,” DAYON TUBAGA ANG MOSUNOD NGA MGA PANGUTANA:

• Unsay kahimtang ni Canon sa primero, ug sa unsang paagi kini nausab?

• Unsang mahigugmaong disiplina ang nadawat niya gikan kang Jehova?

• Unsay atong makat-onan sa iyang eksperyensiya?