Sa iyang ministeryo, gigamit ni Jesus ang bag-ong mga hitabo sa pagtudlog mga leksiyon. (Luc 13:1-5) Magamit pod nimo ang bag-ong mga hitabo aron pukawon ang interes sa mga tawo sa mensahe sa Gingharian. Human hisgoti ang mga problema sa pinansiyal, katalagman, kagubot, pagkaadik sa droga, o susama niana, pagsuknag makapainteres nga pangutana sama sa: “Para nimo, matapos pa ba ang . . . ?” o “Unsa kahay solusyon sa . . . ?” Dayon, pag-share ug teksto sa Bibliya bahin niana. Kon ang tawo magpakitag interes, patan-awa siyag video o paggamit ug publikasyon gikan sa atong Teaching Toolbox. Samtang maningkamot ta nga matandog ang kasingkasing sa mga tawo sa atong teritoryo, hinaot ‘himoon nato ang tanang butang tungod sa maayong balita.’​—1Co 9:22, 23.

Unsang mga topiko ang makapainteres tingali sa inyong teritoryo?