Unsa ang audio Bible? Ang audio Bible maoy audio recording sa rebisadong New World Translation. Anam-anam ni nga gina-release sa daghang pinulongan kon posible. Ang nakanindot sa audio Bible mao ang paggamit niini ug lainlaing tingog para sa mga karakter sa Bibliya. Ang mga pulong gibasa nga may hustong pagpasiugda ug emosyon aron tukmang mapahayag ang mensahe sa Bibliya.

Sa unsang paagi ang uban nakabenepisyo sa audio Bible? Daghan niadtong regular nga naminaw sa audio Bible miingon nga nakatabang ni nga mahimong buhi ang Pulong sa Diyos. Para nila, ang pagpaminaw sa lainlaing magbabasa sa mga karakter sa Bibliya nakatabang nila nga mas ma-imagine ang mga panghitabo sa Bibliya ug mas masabtan ang nasulat niini. (Pr 4:5) Daghan sab ang miingon nga ang pagpaminaw sa audio Bible makapakalma nila dihang mabalaka sila.—Sal 94:19.

Ang pagpaminaw samtang ginabasa ang Pulong sa Diyos dakog epekto sa atong kinabuhi. (2Cr 34:19-21) Kon ang tibuok audio Bible o ang bahin niini mabatonan sa pinulongan nga imong masabtan, puwede kaha nimong iapil sa imong espirituwal nga rutina ang pagpaminaw niini?

TAN-AWA ANG VIDEO NGA ANG PAGHIMO SA AUDIO BIBLE—EXCERPT, UG DAYON TUBAGA ANG MOSUNOD NGA PANGUTANA:

Unsay nakapabilib nimo sa paghimo sa audio Bible?