“Si Jehova nalipay sa iyang katawhan.” (Sal 149:4) Bisag dili ta hingpit, nakita niya ang atong maayong mga hiyas ug potensiyal. Pero usahay, malisdan tingali ta nga makita ang atong maayong mga hiyas. Mobati tingali tang walay pulos tungod sa pagtratar sa uban kanato. O kon magpokus ta sa atong nangaging mga sayop, magduhaduha tingali ta kon gimahal ba gyod ta ni Jehova. Unsay makatabang nato kon ingon ana ang atong pagbati?

Hinumdomi nga makita ni Jehova kon unsay dili makita sa mga tawo. (1Sa 16:7) Nagpasabot na nga makita niya kon unsay dili nato makita sa atong kaugalingon. Ang Bibliya makatabang nato nga masabtan kon unsay panglantaw ni Jehova kanato. Masabtan nato na dihang mobasa tag mga teksto ug asoy sa Bibliya nga nagpakita kon unsa ka dako ang gugma ni Jehova sa iyang mga magsisimba.

TAN-AWA ANG VIDEO NGA KOMBINSIHA ANG IMONG KASINGKASING NGA GIHIGUGMA KA NI JEHOVA, UG DAYON TUBAGA ANG MOSUNOD NGA MGA PANGUTANA:

• Unsay gitudlo sa ilustrasyon bahin sa magdadagan ug sa amahan niini maylabot sa panglantaw ni Jehova kanato?

  Imong tubag

• Kon ang usa nga nakahimog seryosong sala mihimo nag mga paagi nga mabalik ang iyang relasyon kang Jehova, unsaon niya pagpasalig ang iyang kasingkasing nga gihigugma siya sa Diyos?—1Ju 3:19, 20

  Imong tubag

• Sa unsang paagi nakabenepisyo ang brader sa pagbasa ug pagpamalandong sa mga asoy bahin kang David ug Jehosapat?

  Imong tubag