Unsang mga hiyas ang imong gipangita sa usa ka higala? Tingali apil niana ang pagkamaunongon, pagkabuotan, ug pagkamahinatagon. Gipakita ni Jehova kining mga hiyasa. (Ex 34:6; Buh 14:17) Siya mamati nimo dihang moampo ka niya. Siya motabang nimo dihang magkinahanglan kag tabang. (Sal 18:19, 35) Siya mopasaylo sa imong mga sala. (1Ju 1:9) Si Jehova mao gyod ang pinakamaayong Higala!

Sa unsang paagi mahimo kang higala ni Jehova? Pagkat-on bahin kaniya pinaagi sa pagbasa sa iyang Pulong. Isulti kaniya kon unsay imong gibati. (Sal 62:8; 142:2) Pabilhi ang mga butang nga importante kang Jehova, sama sa iyang Anak, iyang Gingharian, ug iyang mga saad para sa umaabot. Sultihi ang uban bahin kaniya. (Deu 32:3) Kon makigsuod ka pag-ayo kang Jehova, mahimo nimo siyang Higala hangtod sa hangtod.​—Sal 73:25, 26, 28.

TAN-AWA ANG VIDEO NGA MGA BATAN-ON​—“TILAWI UG TAN-AWA NGA SI JEHOVA MAAYO,” DAYON TUBAGA ANG MOSUNOD NGA MGA PANGUTANA:

• Sa unsang paagi makapangandam ka sa dedikasyon ug bawtismo?

• Sa unsang paagi ang mga igsoon sa kongregasyon makatabang nimo nga alagaron si Jehova?

• Sa unsang paagi ang ministeryo makapalig-on sa imong relasyon kang Jehova?

• Unsang mga pribilehiyo sa pag-alagad ang bukas para kanimo?

• Unsay imong naapresyar bahin kang Jehova?