Si Jesus nagsangyaw sa “maayong balita sa Gingharian sa Diyos.” (Luc 4:43) Gitudloan sab niya ang mga tawo nga iampo ang maong Gingharian. (Mat 6:9, 10) Sa Nobyembre, dunay espesyal nga kahikayan sa pagpaila sa Gingharian sa Diyos. (Mat 24:14) Organisaha ang imong eskedyul aron makagahig dakong panahon niini nga kampanya. Ang tanang oksilyare payunir makapili kon 30 o 50 ka oras ang ilang kab-oton niining bulana.

Paningkamoti nga makapaambit kag teksto bahin sa Gingharian sa Diyos ngadto sa mas daghang tawo sa inyong teritoryo kutob sa mahimo. Dihang magpilig teksto, hunahunaa kon unsay relihiyon o gituohan sa imong mamiminaw. Kon naa kay makaplagang interesado, hatagi siyag kopya sa publikong edisyon sa Ang Bantayanang Torre Num. 2 2020. Baliki dayon ang interesado, ug sugdi ang pagtuon sa Bibliya gamit ang usa ka publikasyon gikan sa atong Teaching Toolbox. Limitado na lang ang nabiling panahon sa dili pa dugmokon sa Gingharian sa Diyos ang tanang gobyerno nga supak niini. (Dan 2:44; 1Co 15:24, 25) Hinaot nga pahimuslan nato pag-ayo kining espesyal nga kahigayonan aron ipakita nga dapig ta kang Jehova ug sa iyang Gingharian!