Ang mga Saksi ni Jehova dunay espesyal nga pribilehiyo. Ingong bawtismadong mga Kristohanon, padayon tang nakigsuod pag-ayo sa atong Soberanong Ginoo, si Jehova. Iya tang gikabig pinaagi sa iyang Anak. (Ju 6:44) Siya namati sa atong mga pag-ampo.​—Sal 34:15.

Unsa ang usa ka paagi nga maprotektahan nato ang atong bililhong relasyon sa Diyos? Dili nato sundogon ang daotang binuhatan sa mga Israelinhon. Wala madugay human sila mihimog pakigsaad uban kang Jehova, naghimo silag bulawang nating baka ug nahimong mga tigsimbag idolo. (Ex 32:7, 8; 1Co 10:7, 11, 14) Pangutan-on nato ang kaugalingon: ‘Unsay akong ginahimo dihang matental ko sa paghimog daotan? Ang ako bang binuhatan nagpakita nga akong gipabilhan ang akong relasyon kang Jehova?’ Kon gihigugma nato pag-ayo ang atong langitnong Amahan, makatabang kini kanato sa pagsalikway sa mga butang nga iyang gidumtan.​—Sal 97:10.

TAN-AWA ANG VIDEO NGA PANALIPDI ANG IMONG RELASYON KANG JEHOVA (COL 3:5), DAYON TUBAGA ANG MOSUNOD NGA MGA PANGUTANA:

• Unsa ang hakog nga pangibog?

• Nganong angay natong isalikway ang kahakog ug idolatriya?

• Sa unsang paagi konektado ang pagpanapaw ug idolatriya?

• Nganong ilabinang atimanon niadtong dunay mga responsibilidad sa organisasyon ang panginahanglan sa ilang kapikas?