KON NGANONG IMPORTANTE: Kon ang hunahuna sa tawo samag “halawom nga katubigan,” ang mga pangutana samag timba nga mokalos niini. (Pr 20:5) Makatabang kini aron mapalihok nato ang hunahuna sa atong kaestorya. Ang mga tubag sa maayong pagkapili nga mga pangutana sagad makahatag natog ideya sa gihunahuna sa atong kaestorya. Si Jesus epektibong naggamit ug mga pangutana. Unsaon nato siya pagsundog?

KON UNSAON KINI PAGHIMO:

• Pagsuknag mga pangutana nga makatabang sa uban sa pagpahayag sa ilang opinyon. Si Jesus nagsuknag sunodsunod nga mga pangutana aron mahibaloan ang opinyon sa iyang mga tinun-an. (Mat 16:13-16; be 238 ¶4-6) Unsang mga pangutana ang imong isukna aron matabangan nimo ang uban sa pagpahayag sa ilang opinyon?

• Pagsuknag mga pangutana nga makatabang sa uban sa paghimog hustong konklusyon. Aron tul-iron ang panghunahuna ni Pedro, si Jesus nagsuknag mga pangutana ug naghatag ug posibleng mga tubag aron tabangan si Pedro sa paghimog hustong konklusyon. (Mat 17:24-26) Unsang mga pangutana ang imong isukna aron matabangan ang uban sa paghimog hustong konklusyon?

• Paghatag ug komendasyon. Human ‘makatubag nga maalamon’ ang eskriba, gikomendahan siya ni Jesus. (Mar 12:34) Unsang komendasyon ang imong ihatag sa imong kaestorya nga mitubag sa imong pangutana?

TAN-AWA ANG UNANG BAHIN SA VIDEO NGA BUHATA ANG GIHIMO NI JESUS​—PAGPANUDLO, UG DAYON TUBAGA ANG MOSUNOD NGA MGA PANGUTANA:

• Nganong dili kini epektibong paagi sa pagtudlo bisag husto ang gihatag nga impormasyon?

• Nganong dili igo ang pagpatin-aw lang sa impormasyon?

TAN-AWA ANG IKADUHANG BAHIN SA VIDEO, UG DAYON TUBAGA ANG MOSUNOD NGA MGA PANGUTANA:

• Sa unsang paagi ang brader epektibong naggamit ug mga pangutana?

• Unsang ubang bahin sa iyang pagpanudlo ang puwede natong masundog?