KRISTOHANONG PAGKINABUHI
Pagpauswag sa Atong Kahanas sa Ministeryo—Paghunong sa Dili Mabungahong mga Pagtuon sa Bibliya
KON NGANONG IMPORTANTE: Ang mga tawo kinahanglang motawag sa ngalan ni Jehova aron maluwas. (Rom 10:13, 14) Pero dili tanang nagpa-Bible study ang gustong mosunod sa mga sukdanan ni Jehova. Atong gamiton sa pinakamaayong paagi ang atong panahon sa ministeryo sa pagtabang niadtong determinadong magbag-o aron lipayon si Jehova. Kon ang estudyante wala mouswag human ang rasonableng panahon, maalamong ihunong ang pagtuon ug magpokus sa pagtabang niadtong gikabig ni Jehova kaniya ug sa iyang organisasyon. (Ju 6:44) Siyempre, kon mohimo siyag kausaban sa ulahi ug nakita nato nga siya “hustong nakiling alang sa kinabuhing walay kataposan,” atong ipadayon ang iyang pagtuon sa Bibliya.—Buh 13:48.
KON UNSAON PAGHIMO:
-
Komendahi ang estudyante sa iyang tinguha nga mabatonan ang tukmang kahibalo.—1Ti 2:4
-
Ipasiugda ang kaimportante sa pagpadapat sa iyang nakat-onan.—Luc 6:46-49
-
Mahigugmaong hisgoti ang ilustrasyon ni Jesus bahin sa magpupugas, ug dasiga siya sa paghunahuna kon unsay nakapugong niya sa pagpadapat sa iyang nakat-onan.—Mat 13:18-23
-
Sa matinahorong paagi, ipatin-aw kon nganong ihunong na nimo ang pagtuon
-
Sultihi siya nga moduaw ka panagsa aron dasigon siya ug nga puwedeng ipadayon ang pagtuon depende sa iyang pag-uswag
TAN-AWA ANG VIDEO, UG DAYON TUBAGA ANG MOSUNOD NGA MGA PANGUTANA:
-
Unsay imong nakat-onan sa panag-estoryahay nga nagpakitang ang estudyante wala mouswag sa espirituwal?
-
Sa unsang paagi gitabangan sa magmamantala ang estudyante nga masabtang kinahanglan siyang mohimog mga kausaban?
-
Giunsa pagpakita sa magmamantala nga andam niyang ipadayon ang pagtuon kon andam na ang estudyante?