Kon bata ang mobukas sa pultahan, pangutan-a siya kon naa ba ang iyang ginikanan. Pagpakita kinig pagtahod sa ginikanan sa bata. (Pr 6:20) Kon pasudlon ka sa bata, ayawg sulod. Kon wala ang iyang ginikanan, balik na lang sa sunod higayon.

Kon ang bata tin-edyer na, kinahanglan gihapon tang mangutana kon naa ba ang iyang ginikanan. Kon wala, pangutan-a siya kon motugot ba ang iyang ginikanan nga mobasa siyag ubang basahon. Kon okey lang, mahimong tanyagan nato siyag basahon ug ipakita kaniya ang jw.org.

Dihang magbalikduaw sa batan-on nga nagpakitag interes, ato siyang pangutan-on kon mahimo bang makig-estorya sa iyang ginikanan. Sa ingon, atong masulti ang atong tuyo ug mapakita kanila ang kasaligang tambag sa Bibliya para sa pamilya. (Sal 119:86, 138) Ang atong pagpakitag pagtahod ug konsiderasyon sa mga ginikanan makahatag ug maayong impresyon, ug basin mapaambit pa nato ang maayong balita ngadto sa pamilya.—1Pe 2:12.