Ang usa ka atleta kinahanglang padayong magbansay aron magpabiling hanas. Sa susama, kinahanglang padayon tang maningkamot sa pagbansay ug pagmentinar sa atong katakos sa panghunahuna. (Heb 5:14) Bisag duna tay tendensiya nga mosundog na lang sa desisyon sa uban, kinahanglan natong gamiton ang atong katakos sa panghunahuna ug mohimog kaugalingong desisyon. Ngano? Ang matag usa nato manubag sa atong mga desisyon.—Rom 14:12.

Dili ta angayng maghunahuna nga makahimo tag maayong mga desisyon tungod lang kay dugay na tang bawtismado. Aron makahimog maalamong mga desisyon, kinahanglang bug-os tang mosalig kang Jehova, sa iyang Pulong, ug sa iyang organisasyon.—Jos 1:7, 8; Pr 3:5, 6; Mat 24:45.

TAN-AWA ANG VIDEO NGA PAGHUPOT UG HINLONG KONSENSIYA, DAYON TUBAGA ANG MOSUNOD NGA MGA PANGUTANA:

• Unsa nga desisyon ang angayng himoon ni Emma?

• Nganong likayan nato ang paghatag ug personal nga opinyon sa mga desisyon nga himoon base sa konsensiya?

• Unsang maalamong tambag ang gihatag sa usa ka magtiayon kang Emma?

• Unsay nakatabang kang Emma sa paghimog desisyon bahin sa iyang kahimtang?