Naapresyar ba nimo ang mga video ug mga pangutana diha sa Mabuhi Ka Hangtod sa Hangtod! nga libro? Ganahan pod ba ka sa mga feature nga “Ang Uban Moingon,” “Sulayi Kini,” ug “Susiha”? Unsa pang mga feature ang makatabang nimo sa pagdumalag pagtuon sa Bibliya?​—Mat 28:19, 20.

Media: Kon mas ganahan kang mogamit ug printed nga libro sa pag-Bible study, sa unsang paagi dali nimong makita ang tanang video ug ubang media sa usa lang ka lugar? Sa digital nga libro, pagpilig usa sa upat ka pangunang seksiyon. Sa pinakaubos sa listahan sa mga leksiyon, ma-access nimo ang tanang media nianang partikular nga seksiyon. (Tan-awa ang picture 1.)

“Printed Edition” nga setting: Kon naggamit kag gadyet sa imong pagdumalag Bible study, basig makatabang ang “Printed Edition” nga setting. Puwede nimo ning ablihan kon gikinahanglan panahon sa pagtuon. Samtang naa sa leksiyon, i-tap ang tulo ka tuldok sa ibabaw sa page ug pilia ang “Printed Edition.” Kini nga layout makatabang nimo nga mahinumdoman kon sa unsang paagi ang inyong gihisgotan konektado sa katibuk-ang tema sa leksiyon. Aron mobalik sa digital edition, i-tap pag-usab ang tulo ka tuldok ug pilia ang “Digital Edition” o i-tap ang purple nga icon sa ubos sa page.

“Andam na ba Ko?”: Kini nga mga kahon sa may kataposan sa libro nagsumaryo sa pangunang mga kuwalipikasyon aron ang usa makasangyaw uban sa kongregasyon ug mabawtismohan. (Tan-awa ang picture 2.)

Mga Endnote: Ang mga endnote naghatag ug eksplinasyon bahin sa importanteng mga topiko. Sa digital nga libro, naay link sa kataposan sa matag endnote nga magdala nimog balik sa leksiyon. (Tan-awa ang picture 2.)