Ang kinabuhi niining kataposang mga adlaw punog problema. Samtang nagkaduol ang kataposan niining sistemaha, seguradong mosamot pa ang mga kalisdanan. Basig maglisod ta sa pagtagana sa atong materyal nga panginahanglan. (Hab 3:16-18) Unsay makatabang nato nga magmapositibo dihang mag-atubang ug mga problema sa pinansiyal? Kinahanglang padayon tang mosalig sa atong Diyos nga si Jehova. Nagsaad siya nga atimanon niya ang iyang mga alagad, ug makatagana siya kanato bisag unsa pay atong kahimtang.​—Sal 37:18, 19; Heb 13:5, 6.

Ang imong mahimo:

• Pangayog giya, kaalam, ug tabang kang Jehova.​—Sal 62:8

• Mahimong andam sa pagdawat ug trabaho nga wala pa nimo masulayi.​—g 1/10 8-9, mga kahon

• Mentinaha ang maayong espirituwal nga rutina, apil ang pagbasa sa Pulong sa Diyos kada adlaw, pagtambong sa mga tigom sa kongregasyon, ug pagsangyaw

TAN-AWA ANG VIDEO NGA PAGTUKOD UG BALAY NGA MAKALAHUTAY​—“MAGMAKONTENTO SA PRESENTENG MGA BUTANG,” DAYON TUBAGA ANG MOSUNOD NGA MGA PANGUTANA:

• Unsang mga kalisdanan ang giatubang sa pipila ka pamilya?

• Unsa ang pinakaimportante sa kinabuhi?

• Sa unsang paagi makatabang ta niadtong mga naglisod sa pinansiyal?