Ang mga bully makahatag natog pisikal ug emosyonal nga kasakit. Makahatag pa gani silag kadaot sa atong espirituwalidad kon mahadlok ta nila dihang supakon nila ang atong pagsimba. Sa unsang paagi maproteksiyonan nimo ang imong kaugalingon batok sa mga bully?

Daghang magsisimba ni Jehova ang milampos sa pag-atubang sa mga bully pinaagi sa pagsalig kang Jehova. (Sal 18:17) Pananglitan, si Ester misulti aron ipadayag ang mga plano sa bully nga si Haman. (Est 7:​1-6) Sa wala pa na niya himoa, nagpakita siyag pagsalig kang Jehova pinaagi sa pagpuasa. (Est 4:​14-16) Gipanalanginan ni Jehova ang iyang gihimo ug giproteksiyonan siya ug ang Iyang katawhan.

Mga batan-on, kon gina-bully mo, pangayog tabang kang Jehova ug isulti ang inyong problema ngadto sa usa ka hamtong, sama sa inyong ginikanan. Makasalig mo nga tabangan mo ni Jehova sama sa iyang pagtabang kang Ester. Unsa pay inyong mahimo dihang naay mang-bully ninyo?

TAN-AWA ANG VIDEO NGA NIADTONG TIN-EDYER PA KO—UNSAY MAKATABANG KON GINA-BULLY KO? UG DAYON TUBAGA ANG MOSUNOD NGA MGA PANGUTANA:

• Unsay makat-onan sa mga batan-on sa ehemplo ni Charlie ug Ferin?

  Imong tubag

• Unsay makat-onan sa mga ginikanan sa giingon ni Charlie ug Ferin bahin sa pagtabang sa mga anak kon gina-bully sila?

  Imong tubag