Daghang tawo ang negatibog panghunahuna niadtong naay awtoridad. Ug atong masabtan kon ngano. Daghan ang naggamit sa ilang awtoridad sa sayop nga paagi para sa ilang kaugalingong kaayohan. (Miq 7:3) Mapasalamaton gyod ta nga ang mga ansiyano sa kongregasyon gibansay sa paggamit sa ilang awtoridad para sa kaayohan sa katawhan ni Jehova.—Est 10:3; Mat 20:​25, 26.

Dili sama niadtong naay awtoridad niining kalibotana, ang mga ansiyano naghimo sa ilang buluhaton ingong tigdumala tungod sa ilang gugma kang Jehova ug sa iyang katawhan. (Ju 21:16; 1Pe 5:​1-3) Ubos sa paggiya ni Jesus, kini nga mga magbalantay nagtabang sa matag magmamantala nga mobating bahin sa pamilya ni Jehova ug magpabiling suod kang Jehova. Molihok dayon sila sa pagdasig sa mga karnero ni Jehova ug sa pagtabang dihang naay medikal nga emerhensiya o kalamidad. Kon nanginahanglan kag tabang, puwede kang makig-estorya sa usa sa mga ansiyano sa inyong kongregasyon.—San 5:14.

TAN-AWA ANG VIDEO NGA MGA MAGBALANTAY NGA NAG-ATIMAN SA PANON, UG DAYON TUBAGA ANG MOSUNOD NGA MGA PANGUTANA:

• Sa unsang paagi nakabenepisyo si Mariana sa tabang gikan sa mga ansiyano?

  Imong tubag

• Sa unsang paagi nakabenepisyo si Elias sa tabang gikan sa mga ansiyano?

  Imong tubag

• Human matan-aw ang video, unsay imong gibati sa buluhaton nga ginahimo sa mga ansiyano?

  Imong tubag