Kalihokan sa mga Saksi ni Jehova sa Modernong Kapanahonan

Moldova

Sa kapin sa 60 ka tuig, ang mga Saksi ni Jehova sa Moldova nag-antos ilalom sa Romanianhong monarkiya, sa rehimeng Pasista, ug sa rehimeng Komunista. Ilalom sa monarkiya ug sa rehimeng Pasista, gilisodlisod sila pag-ayo sa Ortodoksong Simbahan. Bisan pa niana, ang Moldova karon maoy usa sa kinadaghanag mga Saksi sa kalibotan sa proporsiyon sa populasyon! Basaha kon giunsa paglig-on ni Jehova ang tanang may kahadlok kaniya ug paghatag ug kadaogan ngadto sa tanang dili magpadaog sa kahadlok sa tawo.

Ang Duha ka Congo

Unsay kahulogan sa pulong “Congo” alang kanimo? Alang sa kadaghanan, kini makapatungha ug mga handurawan sa alangaang, baga kaayong lasang nga ang kahayag sa adlaw dili makalusot sa yuta. Bisan pa sa nagyagaw nga tingog sa mga unggoy ug langgam, madunggan nimo ang mga pagtambol nga nagpadalag mga mensahe gikan sa layong mga baryo. Tingali makahanduraw kag dako ug lapokon nga suba, nga hinayng nag-agos nga palikoliko nga morag dakong halas paingon gayod sa kinapusoran sa Aprika. Daghan pa ang imong madiskobrehan bahin sa Congo gawas niini. Ang duha ka nasod samag ngalan sa suba nga nag-ulang kanila. Ang imong pagtuo molig-on samtang magbasa ka sa kaisog sa mga lalaki ug babaye nga nagpakaylap sa kamatuoran sa Bibliya sa tanang bahin niining maanindot nga rehiyon sa yuta.