Kalihokan sa mga Saksi ni Jehova sa Modernong Kapanahonan

Tahiti

Ang mga isla sa French Polynesia, nga nag-apil sa Tahiti, maoy lakip sa labing matahom nga mga isla sa kalibotan. Ang mga magbabalak ug mga magsusulat naglarawan niining dapita nga samag paraiso. Apan usa ka mas madanihon nga paraiso ang naglambo diha niining maanindot nga mga isla sa Pasipiko. Sayra kon sa unsang paagi mitungha kining mas hinungdanong paraiso ug kon sa unsang paagi nagpadayon kini sa pagpamunga ug daghan sa kadayeganan ni Jehova.

Guyana

Ang ngalang Guyana nagkahulogang “Yuta sa Katubigan.” Haom gayod kining ngalana tungod kay daghan kaayo ang mga suba dinhi, nga ang kadaghanan niini nagsilbing mga agianan paingon sa kabaryohan ug kalungsoran sa interyor. Basaha kon sa unsang paagi gigamit sa mga Saksi ni Jehova ang mga sakayan, bangka, ug bapor aron maagak ngadto sa “buhi nga tubig” ang makaiikag, lainlain-ug-rasa nga mga molupyo sa bugtong nasod sa Amerika del Sur nga Iningles ug sinultihan.​—Juan 4:10.

Iceland

Nahimutang sa habagatan lang sa Arctic Circle, nga layo sa tropiko, ang Iceland maoy nindot kaayo nga nasod. Kining lisod puy-an nga nasod gidayandayanan ug dagkong mga bukid nga yelo, mga bolkan, ug kabukiran. Apan, ang dili-hilabwan nga katahom mao ang mga tawo nga nag-alagad kang Jehova. Niini nga asoy, imong mahibaloan kon giunsa pagsagubang sa mga alagad sa Diyos ang malisod nga mga kahimtang aron mapaambit ngadto sa uban ang kamatuoran sa Bibliya.