Kalihokan sa mga Saksi ni Jehova sa Modernong Kapanahonan

Romania

Mga espiya, mga impormer, mga tawong nangangkon nga mga Saksi, pagsakit, pagkapriso, ug pinugos nga pagtrabaho​—kini maoy pipila sa mga paagi nga gigamit ni Satanas sa iyang pakyas nga mga pagsulay sa pagdaot sa espiritu sa matag Saksi ni Jehova ug sa pagpukan sa ilang organisasyon sa Romania. Basaha ang eksperyensiya ni Ioan, kinsa nag-ampo sa kusog nga tingog atubangan sa grupo sa mga sundalo nga gisugo sa pagtiro kaniya. Basaha ang kaagi ni Teodor, kinsa nag-awit ug mga alawiton sa Gingharian duyog sa ubang mga Saksi samtang nag-ulan ug mga bomba diha sa ilang palibot. Sayra ang mga indibiduwal kinsa nagbaktas ug kutob 100 kilometros aron lang sa pagtambong ug mga tigom. Ug susiha kon nganong ang usa ka batang lalaki miingon, “Pa nanimaho kang inadlawng teksto!”

Zambia

Mga pagdili sa kagamhanan sa buluhaton, pagpapahawa sa mga misyonaryo gikan sa nasod, ug pinugos nga pagpaundang sa mga kabataan sa pagtungha​—kini maoy pipila sa mga problema nga giatubang sa atong mga igsoon sa Zambia. Niini nga asoy imong masayran ang bahin sa usa ka estudyante nga batang babaye nga maisogong nagdepensa sa maayong balita sa korte, usa ka baldado nga kagiw nga milihok nga “mas tulin pa kay sa mga agila,” ug ang bahin sa usa sa unang mga Estudyante sa Bibliya nga gilatigo. Basaha ang bahin sa nagkalayo nga Land Rover, nabungkag nga balay sa hulmigas, ug ang bahin sa usa ka tigomanan nga morag itom nga kabayo tan-awon. Ang mga lamok, tsetse fly, bitin, ug mga leyon tanan maoy bahin sa sugilanon kon sa unsang paagi ang atong mga igsoon nagbudlay aron mawali ang maayong balita sa tanang suok niining matahom nga yuta sa Aprika.