Kalihokan sa mga Saksi ni Jehova sa Modernong Kapanahonan

Habagatang Aprika

Sa daghang tuig, ang mga tawo niining nasora nabulag dili lamang sa pinulongan kondili sa balaod. Ang estriktong mga balaod labot sa rasa maoy nagbuot kon asa mahimong mopuyo, mobiyahe, motrabaho, ug moeskuyla ang usa ka tawo. Niini nga asoy, imong mabasa kon sa unsang paagi miuswag sa espirituwal ang mga Saksi ni Jehova ug nagpabiling nahiusa bisan pa sa pagpihig sa rasa, pagkabahin-bahin, ug panag-away sa katilingban.

Latvia

Sa panahon sa mapintas nga paggahom sa Komunista, sa unsang paagi nalikayan sa ubang mga Saksi nga dili madakpan? Nganong ang usa ka tawo nakasulti: “Mapasalamaton ako nga gitugotan ako sa Diyos nga mapadala ngadto sa kampo sa pinugos nga pagtrabaho”? Ug unsay nahitabo sa dihang ang usa ka kampeyon sa weight-lifting sa nasod midawat sa kamatuoran sa Bibliya? Imong mabasa gikan niini nga asoy nga bisan pa sa daghang tuig sa kalisod, ang katawhan sa Diyos sa Latvia nailhan nga nakabaton ug kagawasan—espirituwal nga kagawasan.

Réunion

Ang buluhaton niining tropikanhon nga isla nagsugod sa dihang miabot ang usa ka Saksi nga pamilya sa 1961. Basaha kon giunsa nila pag-atiman ang interes nga gipakita diha sa maayong balita. Basaha kon sa unsang paagi ang usa ka panaksang sabaw nakatukmod sa usa ka magsusupak sa pagpamati sa katawhan sa Diyos. Ug susiha kon nganong gisuok sa upat ka isog nga mga magmamantala sa Gingharian ang kinapusoran sa baba sa usa ka dili na aktibong bolkan.