Kalihokan sa mga Saksi ni Jehova sa Modernong Kapanahonan

Papua New Guinea

Ang pagwali sa maayong balita niining tropikal nga dapit dili gayod sayon. Duna kiniy bagang kalasangan, dagkong kalamakan, ug tag-as nga kabukiran. Kapin sa usa ka libo ka tribo ang namuyo dinhi, ug kapin sa 800 ka pinulongan ang gigamit. Basaha kon sa unsang paagi gibuntog sa maisogong mga igsoon ang mga babag sa pagpaambit sa kamatuoran sa Bibliya. Basaha usab ang kaisog ug determinasyon sa mga isigkamagsisimba kinsa milingkawas sa patuotuo ug tradisyon aron mahimong matinumanong mga alagad ni Jehova. Molig-on gayod ang imong pagtuo niini nga asoy.

Estonia

Kulbahinam kini nga asoy sa kugihang mga igsoon nga nagpakaylap sa intereses sa Gingharian bisan pa sa grabeng paglutos. Susiha kon unsa ang “karo sa langitnong Gingharian” ug kon nganong napiang ang bukton sa opisyal sa polis didto sa sangang buhatan. Sayra kon sa unsang paagi ang mga igsoon nakahimog tinta ug makina sa pag-imprenta. Matikdi kon sa unsang paagi nakalahutay ang mga alagad ni Jehova sa duha ka semanang biyahe sa tren ug sa grabeng klima sa Siberia. Basaha kon nganong nakaingon ang usa ka sister, “Mas maayo kon ilain ko pagpriso.” Oo, kini ang talagsaong kaagi sa pagkamaunongon, kaisog, ug kaalam sa matinumanong mga alagad sa Diyos sa Estonia.