2012 Tinuig nga Teksto

“Ang Imong Pulong Maoy Kamatuoran.”—JUAN 17:17.

Pagkamapasalamaton nato nga ang mahigugmaong langitnong Amahan nagpadayag kanato sa kamatuoran! Ang iyang Pulong nagtudlo sa kinamaayohang paagi sa kinabuhi ug kon sa unsang paagi bug-os kining mapahimuslan. Manalipod kini batok sa kawang ug makadaot nga pangagpas, magpahigawas kanato sa bakak nga mga pagtulon-an, ug mohatag kanatog kalinaw sa hunahuna. Kini makahatag ug katuyoan sa atong kinabuhi karon ug kahibulongang paglaom sa umaabot.

Ang kamatuoran naghiusa kanato uban sa milyonmilyon natong igsoon sa tibuok kalibotan. Labaw sa tanan, kini nagtudlo kanato bahin kang Jehova ug sa kon unsang paagi kita masuod kaniya. Pabilhan gayod nato ang kamatuoran nga gihatag ni Jehova kanato. Hinaot, kita magkalipay sa kamatuoran ug magpagiya niini sa tanang bahin sa atong kinabuhi.