ANG Indonesia pirmeng maigo sa linog ug tsunami. Komon sab ang pagbuto sa bolkan. Dihang mahitabo kini, ang katawhan ni Jehova motabang dayon sa mga biktima, ilabina sa ilang mga igsoon sa pagtuo. Pananglitan, sa 2005 gitay-og sa kusog kaayong linog ang Gunungsitoli, ang kinadak-ang lungsod sa Nias Island, North Sumatra. Ang mga kongregasyon sa tupad nga isla sa Sumatra ug ang sangang buhatan nagpadala dayon ug hinabang sa naapektohang lugar. Ang ilang tigdumala sa sirkito ug ang representante sa sangang buhatan miadto sa isla aron dasigon ug palig-onon ang mga igsoon. “Ang among mga silingan nanga-trauma,” miingon si Yuniman Harefa, ansiyano sa Nias. “Pero tungod sa tabang nga gihatag dayon sa organisasyon sa Diyos, gibati namo nga wala gyod mi pasagdi.”