NIADTONG 1985, sa edad nga 18, gipatawag ko sa Soviet aron magsundalo. Naguol kaayo ko tungod sa inhustisya ug pagdaogdaog sa kampo, maong nakaingon ko: ‘Di ko gustong maparehas nila. Gusto kong malahi.’ Pero dili diay kanunayng sayon ang pagtuman niana. Gusto na kong magbag-o.

Human sa akong pagsundalo, mibalik ko sa among lugar. Usa ka gabii, pag-uli nako gikan sa parti, nag-ampo ko sa Diyos nga unta tabangan ko niyang mabag-o ang akong kinabuhi. Pagkaugma samtang padulong ko sa trabaho, mihapit ko sa akong iyaan nga usa sa mga Saksi ni Jehova. Pagsulod nako sa balay, dunay gamayng grupo sa mga Saksi nga nagtigom. Giabiabi kaayo ko nila maong miapil ko ug naminaw.

Misugot ko nga magpa-Bible study, ug human sa unom ka bulan nabawtismohan ko. Gitabangan gyod ko ni Jehova nga mahimong mas maayong tawo, kabag-ohan nga dili nako mahimo sa kaugalingon nakong paningkamot.