Yuta Ang Georgia ilado tungod sa habog nga mga bukid nga naputos ug snow ang mga taluktok. Ang pipila niini may gihabogong kapin sa 4500 metros. Kini nga nasod gibahin sa eastern ug western Georgia, nga ang matag usa daghag sakop nga rehiyon pero managlahig klima, kostumbre, musika, sayaw, ug pagkaon.

Katawhan Kadaghanan sa 3.7 milyon nga nagpuyo dinhi maoy lumad nga Georgian.

Relihiyon Kadaghanan sa mga tawo maoy membro sa Orthodox Christian nga relihiyon. Mga 10 porsiyento ang Muslim.

Pinulongan Ang pinulongan sa Georgia lahi ra kon ikompara sa pinulongan sa silingang mga nasod niini. Ang mga Georgian dunay lahi nga alpabeto. Ang mga reperensiya nag-ingon nga ila ning naimbento sa wala pa ang Common Era.

 Panginabuhi Daghan sa mga tawo dinhi mga mag-uuma. Di pa dugay, ang turismo nakatabang nga mouswag ang ekonomiya sa Georgia.

Klima Igoigo ra ang klima sa eastern Georgia. Pero subtropikal ang klima sa mga baybayon sa Black Sea sa western Georgia, ug daghag prutas nga citrus didto.

 Pagkaon Pan ang komon nga pagkaon sa mga Georgian. Kasagaran nila ning lutoon sa pugon. Komon nga sud-an ang linat-ang karne nga gisagolag mga lamas ug preskong utanon. Sukad pa sa una, ang mga tawo dinhi nagahimog bino. Naandan nila nga ibutang ang bino sa dakong banga aron moaslom. Daghang pamilya ang nagahimog bino gikan mismo sa ilang tinanom nga ubas. Ang Georgia dunay 500 ka klase sa ubas.