SA WALA pa ipanganak si Sanel, giingnan sa mga doktor ang iyang ginikanan nga bisag mabuhi pa siya, modako siyang masakiton kaayo. Pagkatawo pa lang gyod niya, kinahanglan na siyang operahan. Ang iyang ginikanan, nga nagpuyo sa Abkhazia—usa ka probinsiya nga mibulag na sa Georgia—wala makakitag doktor nga moopera kang Sanel nga dili ra moabonog dugo.

Gikontak sa iyang ginikanan ang lokal nga Hospital Liaison Committee (HLC). * Nalipay kaayo sila kay ang mga brader sa HLC nakakita dayog doktor didto sa Tbilisi, ang kaulohan sa Georgia. Ang maong doktor andam motabang nila. Pero ang mama ni Sanel luya pa tungod sa pagpanganak ug dili puwedeng mobiyahe. Busa nakadesisyon sila nga ang mga lola ni Sanel, nga parehong mga Saksi, ang modala sa bata ngadto sa ospital sa Tbilisi.

Milampos ang operasyon. Wala madugay, ang mga lola ni Sanel misulat: “Kapig 20 ka adlaw mi sa ospital. Nianang panahona, daghang Georgian nga mga igsoon ang kanunayng mobisita ug motabang namo. Ila ming gipalig-on. Daghan na mig nabasa nga kasinatian bahin sa gugma nga gipakita sa mga igsoon. Pero karon, amo na mismo kining nasinatian.”