Awit 158

Atong Kristohanong Paghiusa

(Efeso 4:13)

1. O kinsay sama ni Jehova,

Ang sentro sa paghiusa!

Gipatubos ta sa Anak niya

Aron mapahigawas ta.

Pundasyon sa paghiusa

Kang Kristo nga Ginoo ta.

Aron ang tanang iya ni Jehova

Mausa samag pamilya.

2. Unsa may atong katungdanan,

Nga kang Jesus nakig-uban?

Manag-uyon atong pamatasan,

Sa Diyos kita magatuman.

Unodnong buhat biyaan

Ug kasadya ta mahuptan.

Ang paghatag mas dakong kalipayan,

Kon Diyos atong panig-ingnan.

3. Kahikayang teokratikanhon

Mao ang atong proteksiyon.

Kon sa Pulong niya kita mouyon,

Ang paghiusa maangkon.

Nan, unsa ang tulomanon?

Unsa may atong himoon?

Ang hustisya sundon, magmaluloton,

Ug magmapainubsanon.