Bayawon ang Atong Diyos nga Hari
Awit 148
Bayawon ang Atong Diyos nga Hari
1. O Jehova, awitan ka!
Tanang adlaw bayawon ka.
Dayegon namo ang ngalan mo,
Magpaduol kami nimo.
Bukas-palad ka sa tanan,
Panabang kanunay andam.
Magmaunongon kaniya,
Kay maayo si Jehova.
2. Angay tang magmaunongon,
Kaniya magmatinud-anon.
Dalan niya matarong tanan,
Dayegon nato kay angayan.
Ang may gugma niya bantayan,
Tabangan sa kalisdanan.
Sa lulan namo nga pas-an,
Si Jehova nagpagaan.
3. Hapit na ang Gingharian
Magtul-id sa butang tanan.
Magwali sa Gingharian
O kamong may katagbawan.
Ang Hari mo, O Jehova
Sa katas-an naglingkod na
Ug ang daotan wad-on na.
Among Diyos Soberano ka.