Ganti Inyong Tutokan!
Awit 222
Ganti Inyong Tutokan!
1. Matang buta pakit-on na
Ug ang bungol padunggon na;
Ang desyerto magmalunhaw,
Tubigan yutang gihulaw;
Mga piang manlukso na
Ug kamatayon wad-on na
—Mangabot gayod ning tanan
Kon ganti inyong tutokan.
2. Mga amang pasultihon,
Ang tigulang mabatan-on,
Yuta magmadagayaon,
Tanang maayo modayon;
Kabataan manag-awit,
Tugob didto pakigdait,
Pagkabanhaw masaksihan,
Kon ganti inyong tutokan.
3. Lobo, kordero mag-uban,
Uso ug baka mao man,
Batang gamay bantay nila,
Dunggon nila ang tawag niya.
Luha iya na sa kanhi,
Kahadlok, sakit mangagi.
Buhaton sa Diyos ning tanan
Kon ganti inyong tutokan.