Awit 119

Hawiri “ang Malipayong Paglaom”

(Tito 2:13)

1. Katawhan nagsukarap sa kangitngitan,

Kawang nga naghakop sa kahanginan.

Dagsang na ang sobrang pagkadaotan,

Bunga sa sala kasub-anan.

(Koro)

2. Bulahan na kita karon kay nasabtan

Nganong gitugtan sa Diyos ang daotan.

Tagdon ni Kristo sa igong panahon,

Ang dapig niya magmalipayon.

(Koro)

3. Ning atong adlaw pahibalo madunggan,

Ang kinabuhi may kasegurohan.

Wad-on na sa Diyos tanang kagul-anan,

Busa maglaom sa unahan.

(KORO)

Ang Gingharian sa Diyos duol na,

Sa kahadlok may kagawasan kita.

Tanang kalisdanan mangagi na,

Ning paglaom lig-ong manghawid kita.