Awit 135

Jehova, Amo Kang Puloy-anan

(Salmo 90:1)

1. O Ja, amo kang puloy-anan

Sa tanan nga kaliwatan.

Sa wala pa ang kabukiran,

Halangdon ka na nga daan.

Diyos ka namo sa kahangtoran

Ug wala kay kausaban.

Bisan ang tawo gisilotan,

Sa gugma siya gibulahan.

2. Usa ka libong katuigan,

Nimo kini kagahapon.

Tawo sama sa kabulakan

Nga malawos lamang dayon.

Panuigon ta kapitoan

O usahay kawaloan,

Apan puno sa kalisdanan

Ug sa tanang kasakitan.

3. Tudloi mi nga among iphon

Ang among mga panahon.

Uban sa pagkamaalamon,

Nimo mapasalamaton.

Diyos imo untang kahimut-an

Mga alagad mong tanan.

Lig-onang among binuhatan

Ug ang among kalihokan.