Awit 111

Kahayag Nagakasanag

(Proverbio 4:18)

1. Ang kahayag sa Diyos nagakasanag,

Ug sa hapit nang adlaw nagakadan-ag.

Daghang kamatuoran ginabutyag.

‘Pamati kamo,’ si Jehova nag-awhag.

Palsong relihiyon wala na

Kanato magagapos pa.

Kay nia na

Ang Ginoo ta.

Ang kahayag sama sa banagbanag

Nga nagadala sa matarong sa kasanag,

Diyosnong kasanag.

2. Dalan sa matarong nagakasanag,

Kasanag nga si Jehova nagahatag.

Matuod nga pagsabot ginabuklad,

Ang kamatuoran ilang ginaugmad.

Sa kadili-hingpit sagad

Daw adunay mahitipas.

Apan sanag,

Kahayag dan-ag.

Ang Diyos nagpadalag dugang kahayag,

Mahimayaong kahayag nga nagadan-ag,

Nga nagadan-ag.

3. Dan-ag ang kahayag sa atong dalan,

Sama sa udtong tutok sa kalangitan.

Ang Diyos kahayag, nato nagadan-ag,

Ang alagianan nato mas masanag.

Di magduda, mabalaka,

Kamatuoran di pugsa.

Di mobiya,

Ang dalan sunda.

Dan-ag sa kahayag nagakasanag.

Ang matarong nagmaya sa dakong kahayag,

Dakong kahayag.