Awit 102

Kalipay sa Pagkabanhaw

(Pinadayag 20:13)

1. Tulog si Lasaro sa

Batong lubnganan.

Way makaluwas niya,

Siya gibakhoan!

Kon higalang Jesus

Diha pang daan,

Ang Hades di unta

Niya hiagoman.

Diha sa lubnganan

Singgit si Kristo,

Ang patay giingnan:

‘Gula, Lasaro!’

Bisan siya pinutos,

Siya mituman.

Dakong kalipay sa

Kahigalaan!

2. Ang mga nanaglaom

Diha kang Jesus,

Sa pagkamatay niya

Nangahiubos.

Ang mga higala

Naglubong niya.

Kasubo anaa

Diha kanila.

Apan siya sa Hades

Wala magdugay.

Gibanhaw na siya sa

Mga minatay.

Dako ang kalipay

Kay mituhaw siya.

Kamatayon, Hades

Ubos na kaniya.

3. Gumikan man ni Adan

Ang kamatayon.

Gumikan kang Kristo

Patay banhawon.

Kadtong sa lubnganan

Tingog niya dunggon,

Mangabuhi na sab

Nga malipayon.

Atubangan sa Diyos,

Hukman na sila

Sumala sa buhat

Sa kahayag niya.

Ang nahisulat sa

Basahon sa Diyos

Mabuhi sa bag-ong

Yuta sa bug-os.