Awit 83

Katarongan sa Sion sa Pagmaya

(Isaias 66:8)

1. Jehova, may nasod ka

Nga nahimugso na.

Gipatungha mong yuta,

Kasubo gipala.

Ang Sion sa kalangitan

—Siya ang ginikanan

Sa daghang kaanakan,

Nimo nagbalaan.

(Koro)

2. Ning nasod nga balaan

Dunay kasadyaan.

Magsilbi, mag-atiman

Ni sa Gingharian.

Sila matinumanon,

Sa Diyos nagasanong,

Nagwaling maisogon,

Nga walay paghunong.

(Koro)

3. Uyogon ni Jehova

Ang nasod nga tanan.

Ug silang pinili niya

Sa Sion moganayan.

Higayon nga tagsaon

Nga ang Diyos bayawon,

Ug siya lang ang simbahon,

Ang ngalan niya tawgon.

(KORO)

Magmaya sa Sion sa kahitas-an!

Ang gugma ni Jehova labihan!

Ang mga anak mga ilhanan,

Sa lamesa sa Diyos magtambongan.