Mag-awit Kang Jehova!
Awit 197
Mag-awit Kang Jehova!
1. O mag-awit kang Jehova,
Magmaalamon kita.
Nakaangkon na sa yuta
Ang Anak nga pinangga.
Maghugyaw, kamot pakpaka
Sa nahimo sa Diyos ta!
Mga tingog palanoga
Sa koro nga hiusa.
Kamong kanasoran ilha,
Si Kristo Hari na.
Sa matarong pagmando niya
Magmantala kita.
2. Sa karon ang kasakitan,
Kasubo, kalisdanan,
Tingtugnaw nga kapaitan
Ang luna sa katawhan.
Apan maghugyaw, magsadya,
Ang Milenyo hapit na.
Tanang daotan mawala,
Paraiso ang yuta.
Busa magpaabot kita
Sa adlaw kanus-a
Tanang butang bag-ohon na
Sa Diyos sa himaya.
3. Kay gamhanan si Jehova,
Kanasoran hadlok na.
Apan siya magaamoma
Sa tanang nagsaksi niya.
Diyos Hari sa bug-os yuta,
Panalangin dagaya.
O mag-awit kang Jehova
Bug-os kasingkasing ta.
Kaigsoonan nga tanan
Sa Diyos mag-awit ta,
Sa trono magdayeg kaniya,
Kadungganan iya.