Awit 92

Magwali nga Maisogon

(Buhat 4:13)

1. Angay nga ang mga ulipon

Ni Jehova magmaisogon.

Sa iyang Pulong mabatonan

Ug sa pagwali usab sa uban.

Pulong sa Diyos ang magalig-on

Ug himoon tang maunongon.

Mga apostol panig-ingnan,

Magmaisogon, may kalipayan.

2. Sanglit magtutuo tang tim-os,

Matuod gayod Pulong sa Diyos.

Mga tawo di kahadlokan,

Pagtuo ta atong kalig-onan.

Tagdon tang atong buluhaton,

Balita sa Diyos pakaylapon.

Hangtod matapos magwali ta

Ug atong Higala si Jehova.

3. Magmalulot sa mga luya

Ug magmaisog usab sila.

Di kalimtan ang kabataan,

Pahamtongon sila ug tabangan.

Silang nanagbakho lipaya

Ug sa Diyos sila pasaliga.

Hari siya sa tibuok yuta

Ug tanang katawhan managmaya.