Awit 36

“Malipayon ang mga Maaghop”

(Mateo 5:5)

1. Maaghop gipanalanginan;

Dako silag kalipayan.

Di magmugtok sa kalisdanan;

Ang Diyos ilang kalaoman.

Dili pikal sa daotan,

Sa hambogirong katawhan.

Kinabuhing way kataposan,

Di maangkon sa daotan.

2. ‘Kaniadto ako batan-on,’

Si Haring David nagsulti.

‘Bisan natigulang na karon,

Matarong wala biyai.’

Busa sa Diyos salig kamo,

Magminatarong sa tawo.

Kon magkalipay kang Jehova,

Kamo panalanginan niya.

3. Ang daotan wad-on sa yuta;

Didto sila walay luna.

Ang but-an lang sama sa bata

Ang manag-iya sa yuta.

Busa angay tang barogan

Pulong sa kamatuoran.

Matud-an tang kita buotan

Sa tanan tang binuhatan.