Awit 75

Masadyaong Pagdayeg Kang Jehova

(Salmo 63:5)

1. Ang ngabil ta sa kasadya,

Sa kalipay naghalad niya.

Kay ang Diyos ta nagtagana

Sa tanang kinahanglan ta.

Mag-awit nga malipayon,

Tingog atong palanogon.

Kang Jehova mapasalamaton,

Kalag ta niya masadyaon.

2. Diyos naghatag sa Anak niya

Ug kaluwasan gibuksan.

Mag-awit ta sa ngalan niya,

Mag-ampo sa kabayawan.

Panag-uban niya bililhon,

Oo, ato ning mahalon.

Ang gugma niya walay kamatayon,

Di malaya samag dahon.

3. Kusganon, mahimayaon,

Ang giya niya atong sundon!

Magsimba nga malipayon,

Sa Diyos bug-os masaligon.

Sa landong sa iyang pako

Naa ang atong proteksiyon!

Kasingkasing ta nag-awit karon.

Kita mapasalamaton.