Awit 221

Mga Batan-on! Sunda ang Ilang Pagtuo

(Hebreohanon 6:12)

1. Si Samuel sa gilutas na miadto

Sa Silo sa pag-alagad sa templo.

Propeta sa Israel siya nahimo,

Sa Diyos nagdayeg ingon nga Nazareo.

Duha ka anak ni Eli daotan.

Ang batang Samuel ila bang hugawan?

Wala, kay si Samuel matinumanon,

Kang Jehova lang siya masinundanon.

2. Ang batang Timoteo sab nagdako

Nga usa man ka maayong ansiano.

Gipadapat niya ang tanang gitudlo,

Sa pagkamatinumanon naghago.

Sa kongregasyon ligdong kadungganan,

Rekomendado nga di malalisan.

Pribilehiyo niya magkuyog kang Pablo;

Nag-alagad usab nga misyonaryo.

3. Ug ang dalagitang Israelita

Kansang pagtuo perlas kang Jehova.

Bisan pa bihag ang pagtuo lig-on;

Uban naglihok kay siya madasigon.

Sa asawa ni Naaman miadto:

‘Propeta ni Jehova makaayo.’

Ang kapitan sa Sirya namati niya,

Kaayohan dala ning dalagita.

4. Mga batan-on, kami nagaagda

Nga suhiron ninyo ning sumbanana.

Katungdanan dako ning kataposan.

Pilion ni Jehova ang hatagan.

Busa, kamo, duyog sa panagsangka

Uban sa tanang alagad, sa gugma.

Pasidaan lanogon ug Diyos dayegon,

Ug ambitan ta ang ganti nga dayon.