Awit 45

Pag-ampo sa Pagpasalamat

(Salmo 65:2)

1. Dayegon ka Jehova, Soberano,

O mag-alsa mi sa tingog namo.

Manganha mi nimo, mamati ka,

Kanamo malumong mag-amping ka.

Maluya kami sa kasaypanan,

Hangyoon namo kapasayloan.

Pinalit sa dugo sa Anak mo,

Busa kami nimo magpatudlo.

2. Malipayon silang dinapit mo

Sa instruksiyon, sa kahayag nimo.

Sa balay mong balaan mangadto,

Magpagiya kami sa Pulong mo.

Makahahadlok ang gahom nimo,

Ang kaguliyang pahilomon mo.

Dayegon ka, Diyos ka sa kaluwasan,

Gingharian mo way kapakyasan.

3. O unta dagaya ang kasadya;

Nimo ang bug-os yuta magsimba.

Gingharian nimo magapala

Sa sakit, kamatayon, ug luha.

Ang tanang daotan laglagon na,

Bulahang kalalangan magsadya.

Magpasalamat ug mag-awit ta:

‘Dayegon ta ang Hari, si Jehova!’