Maayong Panig-ingnan​—Ang Kabos nga Babayeng Balo

Si Jesus nagtan-aw sa mga dato nga nanghulog ug amot diha sa sudlanag kuwarta sa templo. Diha sa pundok sa mga tawo siya nakamatikod ug kabos nga babayeng balo nga naghulog ug “duha ka gagmayng sensilyo nga kubos kaayog bili.” (Lucas 21:2) Nakadayeg si Jesus sa iyang pagkamahinatagon. Ngano? Tungod kay ang uban mihatag “gikan sa ilang mga sobra, apan siya, gikan sa iyang kawalad-on, naghulog sa tanan niyang nabatonan, ang iyang tibuok nga panginabuhian.”​—Marcos 12:44.

Sama ka ba niining babayhana? Andam ka bang mogugol sa imong panahon ug salapi sa pag-alagad sa Diyos? Sama sa kabos nga babayeng balo, makaamot ka aron ang imong donasyon magamit sa pagmentinar sa mga dapit sa pagsimba. Makagugol ka usab sa imong panahon ug salapi sa pagtabang sa uban sa pagkat-on bahin kang Jehova nga Diyos. Si Jehova nakakita ug nalipay sa gamayng kantidad nga gihatag sa babayeng balo alang sa iyang buluhaton. Ang Diyos malipay ug motabang usab kanimo kon unahon nimo ang pagtuman sa iyang kabubut-on.​—Mateo 6:33.