Maayong Panig-ingnan​—David

Gustog musika si David. Siya hawod kaayong manunugtog ug tigkomposog musika. Siya ray naghimo sa iyang mga instrumento sa musika. (2 Cronicas 7:6) Tungod sa iyang kahawod gipatawag siya sa hari sa Israel sa pagtugtog sa palasyo. (1 Samuel 16:15-23) Si David misugot. Apan wala mobukad ang iyang atay, ug wala niya ipalabi ang musika sa iyang kinabuhi. Hinunoa, iyang gigamit ang iyang mga abilidad sa pagdayeg kang Jehova.

Gusto ka bag musika? Dili ka tingali hawod nga manunugtog, apan makasundog ka sa panig-ingnan ni David. Sa unsang paagi? Ayaw palabig pamatig musika ug ayaw pagpaimpluwensiya niini sa paagi nga makapasipala sa Diyos. Himoa hinuon ang musika nga panakot sa imong kinabuhi. Ang abilidad sa pagtugtog ug pagkalipay sa musika maoy gasa gikan sa Diyos. (Santiago 1:17) Gigamit ni David kining maong gasa sa mga paagi nga nakapahimuot kang Jehova. Ingon ba usab niini ang imong himoon?