Maayong Panig-ingnan​—Ezequias

May nahitabong dakong kausaban sa kinabuhi ni Ezequias. Bisag 25 anyos pa lang, hari na siya sa Juda. Unsa kaha siyang matanga sa hari? Nagpaimpluwensiya ba siya sa daotang panig-ingnan sa iyang amahan nga si Haring Ahaz? Si Ahaz dili mahinulsolon nga apostata hangtod siya namatay. Nagpasiugda siyag pagano nga pagsimba ug gisunog niya ang usa sa mga igsoon ni Ezequias diha sa paganong halaran. (2 Cronicas 28:1-4) Apan si Ezequias wala magpaimpluwensiya sa daotang panggawi sa iyang amahan, hinunoa, nagmatinumanon siya kang Jehova ug wala siya mosundog sa daotang buhat sa iyang amahan. Si Ezequias ‘nagmaunongon kang Jehova.’​—2 Hari 18:6.

Supak ba ang usa sa imong ginikanan sa pagsimba kang Jehova? Siya ba sakit manulti o may bisyo? Kon mao, dili kinahanglang sundon nimo ang daotang panig-ingnan sa imong ginikanan! Si Ezequias wala gayod magpatakod sa daotang panggawi sa iyang amahan. Gani, nahimo siyang buotan kaayong hari nga “walay usa nga sama kaniya taliwala sa tanang hari sa Juda.” (2 Hari 18:5) Sama kang Ezequias, molampos ka sa kinabuhi bisan pag dili maayo ang imong pamilya. Sa unsang paagi? ‘Magmaunongon ka kang Jehova.’