Buot Kaming Makatabang

Kining pulyetoha gitagana aron mas masinati ka pa sa mga buluhaton sa mga Saksi ni Jehova ug sa ilang mga kahikayan sa pagtabang kanimo sa pagpauswag sa kahibalo sa Bibliya. Tingali nabisitahan ka na sa mga Saksi ni Jehova, o tingali nakapakigsulti ka na kanila diha sa dalan o sa ubang mga dapit. Tingali ang usa sa mga Saksi nagatuon na uban kanimo.

Nasayod ka ba nga ang ilang balita bahin sa Gingharian sa Diyos gisangyaw sa tibuok kalibotan? Ngano? Tungod kay ang Diyos, ang atong Maglalalang, nagtinguha nga ang katawhan sa tanang kanasoran magkahiusa sa pagsimba kaniya. Siya nagtagna bahin sa atong panahon: “Daghang mga katawhan mangadto ug manag-ingon: ‘Umari, kamong katawhan, ug manungas kita sa bukid ni Jehova, ngadto sa balay sa Diyos ni Jacob; ug kita pagatudloan niya sa iyang mga dalan, ug manlakat kita sa iyang mga alagianan.’”—Isaias 2:2, 3.

Ang buluhaton sa mga Saksi ni Jehova sa pagsulti kanimo bahin sa mga dalan sa Diyos maoy katumanan niining tagnaa. Ang mosunod nga mga panid magapadayag kon nganong kining buluhatona hinungdanon karon ug kon sa unsang paagi ikaw makapahimulos gikan niana.