[Alagad].

1. Ang amahan ni Adoniram. (1Ha 4:6) Ang iyang anak nga lalaki nga si Adoniram maoy usa ka prinsipe nga nagdumala niadtong gipaapil sa pinugos nga trabaho panahon sa mga paghari ni David, Solomon, ug Rehoboam, ug dayag nga mao ang Adoram, o Hadoram, nga gihisgotan sa ubang mga teksto. (2Sa 20:24; 1Ha 12:18; 2Cr 10:18) Busa, si Abda lagmit katalirongan ni Haring David.

2. Usa ka kaliwat ni Jedutun sa tribo ni Levi. (Neh 11:​17, 18) Si Abda nga Levihanon dayag nga mao ra ang “Abdias” nga gihisgotan sa 1 Cronicas 9:16. Lakip siya sa mga destiyero nga namalik sa Jerusalem gikan sa Babilonya.