[Ang (Akong) Amahan Naghukom].

Ang pangulo sa tribo ni Benjamin sa panahon sa pagsenso sa Israel sa ikaduhang tuig human sa Pagpanggula gikan sa Ehipto. (Num 1:​11, 16) Siya mao ang pangulo sa kapin sa 35,400 ka tawo sa Benjamin nga nagpanuigon ug kapin sa 20 anyos nga nagkampo sa K nga bahin sa tabernakulo.​—Num 2:​18, 22, 23.

Pagkahuman sa tabernakulo ug sa inagurasyon niini (1512 W.K.P.), sulod sa 12 ka adlaw ang matag pangulo nagtanyag ug parehong halad nga plata ug bulawan nga pinggan, nga nagkantidad ug mga $1,720, dugang pa sa mga halad nga lugas, lana, insenso, ug kahayopan, ug gihimo kadto ni Abidan sa ikasiyam nga adlaw. (Num 7:​10, 60-65) Siya namatay panahon sa 40-ka-tuig nga pagpanaw didto sa kamingawan.​—Num 14:​29, 30.