Usa ka Kristohanong manalagna kinsa, duyog sa uban pang mga manalagna, milugsong gikan sa Jerusalem paingon sa Antioquia sa Sirya sa tuig nga miestar si Pablo didto.

 Pinaagi sa espiritu, si Agabo nagtagna “nga usa ka dakong gutom ang taliabot sa tibuok gipuy-ang yuta.” (Buh 11:​27, 28) Sumala sa giingon sa asoy, ang tagna natuman sa panahon sa pagmando ni Emperador Claudio (41-54 K.P.). Ang Hudiyong historyador nga si Josephus naghisgot niining “dakong gutom.”​—Jewish Antiquities, XX, 51 (ii, 5); XX, 101 (v, 2).

Sa naghinapos ang kataposang misyonaryong panaw ni Pablo (mga 56 K.P.), si Agabo nakigkita kaniya sa Cesarea, nga nag-ilustrar sa tagna sa umaabot nga pagdakop kang Pablo didto sa Jerusalem pinaagi sa paggapos sa iyang kaugalingong mga kamot ug mga tiil ginamit ang bakos ni Pablo.​—Buh 21:8-11.