[Ang Akong Igsoon Maoy Pagkamaayo].

1. Usa ka kaliwat ni Itamar nga anak nga lalaki ni Aaron; anak nga lalaki ni Pinehas ug apo sa Hataas nga Saserdoteng si Eli. (1Sa 14:3; 1Cr 24:3) Si  Ahitub lagmit nag-alagad ingong hataas nga saserdote human mamatay sa mao ra nga adlaw ang iyang amahan ug apohan. (1Sa 4:​17, 18) Ang iyang anak nga lalaki, ang Hataas nga Saserdoteng si Ahimelek, gipatay ubos sa sugo ni Saul.​—1Sa 22:9-20.

2. Anak nga lalaki ni Amarias, usa ka kaliwat ni Eleasar nga anak nga lalaki ni Aaron. (1Cr 6:3-8) Walay timailhan nga nag-alagad siya ingong hataas nga saserdote; diha kini nga katungdanan sa linya ni Itamar niadtong panahona. Ang anak nga lalaki ni Ahitub nga si Zadok nag-alagad ingong segundaryong saserdote, dili ingong hataas nga saserdote, sa panahon sa paghari ni David, ug unya siya gitudlo aron mopuli kang Abiatar ingong hataas nga saserdote sa panahon sa paghari ni Solomon.​—2Sa 8:17; 1Cr 18:16; 1Ha 1:8; 2:27.

3. Lain pang saserdote nga naggikan kang Ahitub Num. 2. Gisal-ot diha sa mga talaan sa kagikan ang pagpaila kaniya ingong “usa ka pangulo sa balay sa matuod nga Diyos.” (1Cr 9:11; Neh 11:11) Amarias usab ang ngalan sa iyang amahan, ug pinasukad sa 1 Cronicas 9:11 ug Nehemias 11:11 mopatim-aw nga ang iyang anak nga lalaki mao si Meraiot ug ang iyang apo nga lalaki mao si Zadok.​—1Cr 6:​11, 12; Esd 7:2.