[Ilagang Jerbo; Tigluksong Ilaga].

1. Ang amahan ni Baal-hanan, kinsa gitala ingong ikapitong hari sa Edom.​—Gen 36:​38, 39; 1Cr 1:49.

2. Ang anak nga lalaki ni Micaias ug usa ka sinaligang opisyal sa palasyo ni Haring Josias. (2Ha 22:12) Siya gitawag ug “Abdon nga anak nga lalaki ni Miqueas” sa 2 Cronicas 34:20. Sa pagkasayod sa nagasilaob nga kapungot ni Jehova nga gipahayag diha sa karaang basahon sa Balaod nga bag-o pang nadiskobrehan, gipadala ni Josias si Akbor ingong usa sa komite nga gilangkoban sa lima ka tawo ngadto sa babayeng manalagna nga si Hulda aron magpakisayod kon unsa ang angayng buhaton. (2Ha 22:8-14) Si Akbor mao ang amahan ni Elnatan, usa ka prinsipe sa palasyo ni Haring Jehoiakim, ug lagmit gayod mao ang apohan sa tuhod ni Haring Jehoiakin.​—Jer 26:22; 36:12; 2Ha 24:8.